Kongresuaren helburuak

Basque Ecodesign Meeting Ekodiseinuaren inguruko nazioarteko ekitaldi bat da. Bertan bilduko dira Ekodiseinuaren aplikazioan eskarmentu luzea duten enpresa liderrak, herri-administrazioa —metodologia honen dinamizatzaile gisa—, unibertsitatea eta diziplina honetako aditu ugari.

Bi urtez behin antolatzen den ekitaldi hau lehenago egin diren beste batzuen ondorengoa da:

Programazioa Basque Ecodesign Meeting 2014

• Bilbao Ecodesign Meeting 2011
  2011ko azaroaren 9a – Euskalduna Jauregia – Bilbo
• Environmental Product & Building Innovation 2010
  2010eko apirilaren 22a – Euskalduna Jauregia – Bilbo
• Environmental product & building Innovation 2008
  2008ko azaroaren 26a - BEC - Bilbao Exhibition Centre - Barakaldo

Basque Ecodesign Meeting beren enpresetan erabaki estrategikoak hartzeaz arduratzen direnei eta lehiakortasun-abantailak lortzeko beren erakundearen politiketan Ekodiseinua sartzeko interesa dutenei dago zuzenduta. Era berean, produktu eta zerbitzuen teknikariei eta diseinatzaileei zuzenduta dago.

• Enpresa industrialak (makineria, elektrikoa eta elektronikoa, berriztagarriak, garraioa eta mugikortasuna, ontziratzea eta elikagaiak, eraikuntzako materialak, altzariak, etab.)
• Ekoberrikuntzaren munduko erakundeak
• Ingeniaritzak eta diseinu-kabineteak
• Klusterrak eta enpresa-elkarteak
• Ingurumen-arloko aholkularitza-enpresak eta ziurtapen-erakundeak
• Unibertsitateak eta irakaskuntza profesionaleko zentroak

2014ko ediziora begira, eta Basque Ecodesign Center Europako hegoalderako Ekodiseinuko erreferentzia-zentro gisa finkatu ondoren, topaketaren antolamendua ikuspegi berri batetik planteatzen da, zehazki, Ihobek eta Basque Ecodesign Center-ek elkarrekin antolatuko dute, zentro horretatik kanpoko euskal industria-enpresei estaldura emateko.