Euskadin ekodiseinua eta ekoberrikuntza bultzatzen igarotako 20 urte baino gehiagoko esperientzia biltzeko asmoz, eskuliburu hau sortu dugu, Ihobek 2000. urtean argitaratutako ekodiseinuaren esluliburuaren eguneratzearen emaitza ("Ekodiseinuaren esluliburu Praktikoa: Ezarpen Operatiboa 7 urratsetan"), ikuspegi zirkular bat integratzeko eta egungo testuingurura egokitzeko.
Argitalpen honen helburua da informazioa eskaintzea eta gida bat izatea zientzian oinarritutako helburuak (SBT, Science Based Targets) definitu eta lortzeko prozesurako, sektore pribatuan deskarbonizazio estrategiaren parte gisa.
Dokumentu honek balio izango du enpresek deskarbonizazio garbirako bidea hasi edo indartu ahal izateko eta, horrela, berotegi efektuko gasen (BEG) emisioan inpaktua murriztearen alde lan egiten duten enpresen zerrenda gero eta handiago baten parte izateko, klimarekin lotutako azken ebidentzia zientifikoen ildoan.
Dokumentu honen xedea da Basque Ecodesign Center-en egindako proiektuetako ikaskuntzak erakundearen ingurumen-ebaluaziorako tresnen integrazioari eta horien arteko harremanari buruzkoak transferitzea, ikasitako gai horiek enpresek integratu ahal izan ditzaten eta ingurumen-
metriken kalkulua modu eraginkorragoan planteatu ahal izan dezaten.
Lotutako argitalpenak
Basque Ecodesign Center ekimenak ingurumen-zaintza estrategikoari buruzko txostenak egiten ditu bere zaintza-sistemaren bidez eskuratutako ezagutzan oinarrituta. Honako hau txosten horien hirugarren edizioa da. Hala, ekonomia deskarbonizatu eta zirkularrago baterako trantsizio-palanka gisa araugintzan eta merkatuan dauden azken berrikuntzak batzea du helburu. Horrez gain, estandar berriak eta aitortutako metodologiak identifikatzen ditu, hain zuzen ere Basque Ecodesign Centerreko enpresa bazkideek diharduten balio-kateetarako esanguratsuak izan daitezkeenak.
Basque Circular Hub-ek, Ihobe sozietate publikoak kudeatzen duen ekonomia zirkularreko zerbitzu aurreratuen zentroak, Murriztearren programako 2025eko deialdia jarri du abian Euskadiko ETEei zuzenduta, ingurumenean prestatutako profesional gazteak Euskadiko ETEen eskuetan jartzeko.
Edizio berri honetan, programak ingurumen-metriken kalkulua bultzatuko du, hala nola karbono aztarnarena eta ingurumen-aztarnarena organizazio-ikuspegi batetik, bai eta deskarbonizazio-helburuak jasotzen dituen ekintza-plan baten planteamendua ere.
Basque Circular Hubek eta Pyme Circular ekimenak, biak Ihobe sozietate publikoak kudeatuta, Jardunean dauden profesionalentzako ekonomia zirkularreko prestakuntza programaren 2025eko deialdia abiarazi dute, Gasteizko Udalaren, Bilboko Udalaren eta CONFEBASK eta bere kide diren ADEGI, CEBEK eta SEA elkarteen laguntzarekin. Programa Industria sektoreko enpresei zuzenduta dago, batez ere ETEei.
Basque Ecodesign Center Ihobe – Eusko Jaurlaritzaren Ingurumena Kudeatzeko Sozietate Publikoak sustatutako ekimena da, eta 2025eko Lurra Bizkaia Saria jaso du klima aldaketaren kategorian.
Saria emateko ekitaldia ekainaren 18an egin zen Bilboko Campos Eliseos Antzokian, Bizkaiko ingurumenaren eta enpresaren sektoreko eragile nagusiak bildu zituen zeremonia batean.