Argitalpen honek 2018tik 2022ra Ekoberrikuntza Zirkularreko Programaren esparruan amaitutako 105 proiektu baino gehiagoren emaitzak biltzen ditu. Programa hau Eusko Jaurlaritzako Ekonomiaren Garapen, Jasangarritasun eta Ingurumen Saileko ingurumen-kudeaketarako sozietate publikoak kudeatzen du, eta euskal enpresetan ekodiseinua, ekonomia zirkularreko frogapena eta ekoberrikuntza estrategikoa sustatzen ditu.

Argitalpen honen helburua da informazioa eskaintzea eta gida bat izatea “zientzian oinarritutako helburuak” (SBT, Science Based Targets) definitu eta lortzeko prozesurako, sektore pribatuan deskarbonizazio estrategiaren parte gisa.

Dokumentu honek balio izango du enpresek deskarbonizazio garbirako bidea hasi edo indartu ahal izateko eta, horrela, berotegi efektuko gasen (BEG) emisioan inpaktua murriztearen alde lan egiten duten enpresen zerrenda gero eta handiago baten parte izateko, klimarekin lotutako azken ebidentzia zientifikoen ildoan.

Dokumentu honen xedea da Basque Ecodesign Center-en egindako proiektuetako ikaskuntzak —erakundearen ingurumen-ebaluaziorako tresnen integrazioari eta horien arteko harremanari buruzkoak— transferitzea, ikasitako gai horiek enpresek integratu ahal izan ditzaten eta ingurumen-
metriken kalkulua modu eraginkorragoan planteatu ahal izan dezaten.

Lotutako argitalpenak

Basque Ecodesign Center ekimenak ingurumen-zaintza estrategikoari buruzko txostenak egiten ditu bere zaintza-sistemaren bidez eskuratutako ezagutzan oinarrituta. Honako hau txosten horien hirugarren edizioa da. Hala, ekonomia deskarbonizatu eta zirkularrago baterako trantsizio-palanka gisa araugintzan eta merkatuan dauden azken berrikuntzak batzea du helburu. Horrez gain, estandar berriak eta aitortutako metodologiak identifikatzen ditu, hain zuzen ere Basque Ecodesign Centerreko enpresa bazkideek diharduten balio-kateetarako esanguratsuak izan daitezkeenak.