Mundua aldatzen ari da, aurreko belaunaldiek sekula irudikatu ez zuten erritmoan, eta aurrerakuntza teknologikoa lausotzen ari da mundu fisikoaren, biologikoaren eta digitalaren arteko mugak. Laugarren industria-iraultza izenez ezagutzen da. Aurreko iraultzen kasuan ez bezala, egungoa izugarri bizkor ari da aurrera egiten.

Txosten honek ibilgailu mota batzuen (konbustiokoak, hibridoak eta elektrikoak)
ingurumen-inpaktuak laburbiltzen ditu, ibilgailuon bizi-ziklo osoa kontuan hartuta
eta inpaktuak bizi-zikloaren analisien bitartez zenbatetsita1. Analisia egitean ibilgailuak
tamainaren, ibilbide motaren (hiri barnekoa, errepidekoa edo mistoa) eta geografiaren
arabera (Espainia, Britainia Handia, Ameriketako Estatu Batuak, Mexiko eta Brasil)
desberdindu dira.

Bizi-zikloaren analisia metodo kuantitatiboa da, produktu, prozesu edo zerbitzu baten bizi-ziklo osoari lotutako ingurumen-alderdiak eta inpaktu potentzialak aztertzen dituena:
- Bizi-zikloaren etapetako sarreren eta irteeren inbentarioa bilduz.
- Bizi-zikloaren etapetako sarreren eta irteeren inbentarioa ebaluatuz.
- Azterlanaren helburuekin lotuta lortutako emaitzak interpretatuz.
Europako Batzordeak COM (2003) 3021, komunikazioan adierazi zuenez, bizi-zikloaren analisiak dira produktuek izan ditzaketen ingurumen-inpaktuak ebaluatzeko esparrurik onena.

Hemen aurkezten den gidak dokumentu independente batzuk biltzen ditu produktuen eta zerbitzuen inguru men-analisirako metodo nagusien ezaugarriak, funtzionamendua eta aplikagarritasuna modu errazean azaltzeko asmoz. Gaur egun, hainbat metodo daude produktu/zerbitzu baten ingurumen-profila aztertzeko eta ingurumen-lehenta sunak ezartzeko.

EAEko ekodiseinuaren arloko prestakuntza-jardueraren muina da Basque Ecodesign Hub: prestakuntzarako, proiektu-garapenerako eta ikerketarako zentroa da ekodiseinuaren eta ekoberrikuntzaren arloari dagokionez.

Basque Ecodesign Center-en (BEdC) jardueretako bat da Basque Ecodesign Hub. BEdC 2011n sortu zen, eta Eusko Jaurlaritzaren, sektore pribatuko enpresen eta sektoreetako elkarteen eta klusterren arteko lankidetza-akordio publiko-pribatua da. Haren helburua ekodiseinu-proiektuak sustatzea eta garatzea da.

Ekonomia zirkular bateranzko bilakaerak ekodiseinutik birmanufakturara edo birziklatzera doazen estrategiak aplikatzea eskatzen du.

Estrategia horietako bat konponketa da, produktu baten bizitzaren amaiera-data atzeratzea ahalbidetzen duena, akatsen bat detektatu ondoren. Iraunkortasun arloari dagokionez, produktua gehien erabiltzea ahalbidetzen duten estrategien azken maila da konponketa, birmanufakturaren, berregokitzearen, berritzearen eta berrerabiltzearen atzetik, eta birziklatze-estrategien aurreko urratsa da.

Dokumentu honen xedea ekonomia zirkularrari dagokionez monitorizazioaren eta erreportearen alderdi nagusiak identifikatzea da; bereziki, sektore elektrikoan. Dokumentu honek erabakiak hartzen lagundu ahal izango die enpresa elektrikoei, beren kudeaketan ekonomia zirkularraren monitorizazio-sistema integratzeari begira. Zehazki, honako galdera hauei erantzun nahi die dokumentu honek: Nola integratzen da ekonomia zirkularra kudeaketan? Zeri deitzen zaio ekonomia zirkularra? Nola neur daiteke ekonomia zirkularra?

Gidaliburu honen helburua da ingurumen-aztarna korporatiboa (IAK) kalkulatzen
laguntzea -bai euskal enpresetan eta bai bestelako erakundeetan- ahalik eta
modurik eraginkorrenean eta eskura dauden erreferentziazko dokumentuen arabera.
Erreferentziazko dokumentu nagusia Europako Batzordearen Ingurumen-aztarna
Korporatiboaren Gidaliburua (IAKren Gidaliburua) da, eta baita ISO/TS 14072:2014
araua eta NBIPren Guidance on Organizational Life Cycle Assessment gidaliburua ere.